ألم خنجر .. وألم سكين

يمرجحبي كما المراجيح ..
ويتركني بوجه الريح ..
وأنا اللي الهم ماليني ..
وكاسيني كما المجاريح ..
لعب بي وما رحم حالي ..
وسيبني على حالي ..
وخلاني من همومي ..
أقوم من العنى واطيح ..
******
ظالم با الهوى وجبار ..
ما يدري إن الزمن دوار ..
كم واحد رفع قدره ..
ومن ثاني عليه إنهار ..
جرحني جرح غاير بي ..
وهم له كم داير بي ..
وحزن إستوطن بقلبي ..
شيدله بقلبي دار .
******
شفتوا شلون ها الدنيا ..
تخلي اللي ما يسوا إنسان !
يلعب في قلوب الناس ..
كأن بيده طقم ألوان !!
لا يندم على أفعاله ..
ولا يهتم بأقواله ..
وإذا عاتبته يتبسم !!!
لا مبالي ولا ندمان !!!!
******
ألم خنجر .. والم سكين ..
لعب في حسبة المسكين ..
أنا مدري متى الأيام ..
تريحني من الإثنين ؟
سهر متربص لعيني ..
وقهر يسري بشراييني ..
وجيش من العنى بقلبي ..
يخططلي بقاله سنين .