جنازة حلم

الحب جمعهم وفرقهم نصيب
كلٍ رحل والحب يملا الأمكنه
الله يعين اللي من الفرقى صويب
حتى الحكي معهم حبيس الألسنه
تغيب هالدنيا ولا الذكرى تغيب
ذكرى الأحبة فالأحبة مزمنه
خلف الجفون دموع وفالأصدر نحيب
على جنازة حلم واقع كفنه
هي ساكتة لأن الحكي بالحب عيب
رغم إنها بشرع المحبة مؤمنه
واللي لها أكبر ومن كونه حبيب
يبكي على أوحد حلم بيديه دفنه
طعنة زمان،وجرح لايمكن يطيب
خلٍ وفارق له خليلٍ يسكنه
ماهو غريب تصير لكنْ الغريب
دايم نهايات المحبة محزنه