خواطر من فوق السحاب.. 3

هناء عصام
الارض بملوكها بسلاطينها ببلادها بجبالها ببحارها بحروبها بسلاحها بثوراتها بمجاعتها بأمراضها بأغنيائها بفقرائها. مجرد نقطة في ملكوته!!
هو رب العالمين لا اله الا هو.
***
غريب امركم ايها الاخوان!! و كأنكم فعلا مش م البلد دي!!!! لو تابعتوا كل صفحات و مواقع الاخوان مش هتلاقوا اي ذكر لنصر اكتوبر بأي شكل م الاشكال.. كله عن الانقلاب و الوقفات و الكلام اياه ولا كأن فيه ايتها مناسبه وطنيه المصريين كلهم بيحتفلوا بيها انهارده ولا كأن ليهم قريب شارك ف الحرب ولا كأن المناسبه تخصهم اساسا!! عموما ده العادي بتاعهم... لكن اللي مش عادي بقي ان الوحيدين منهم اللي افتكروا و كتبوا و بيحتفلوا بتلاقيهم و بمنتهي السعادة واحنا في نص احتفالنا بنصراكتوبر 73 هما بيحتفلوا برضه لكن بأكتوبر.... 81 !!!!! يالكم من فصيل سيئ اوووي يا مان !!!
***
يعنى بعد ما تدرس اربع سنين اعلام و بعدين تدخل دورات لغة عربية و القاء و نحو و صرف ..و بعدين امتحانات ...فتدريبات.... ثم تستات ...واعربى الجرنال ....و اقرأى القرأن ... طب غنى !! اغنى ايه يا عم ؟؟ بقولك غنى !!! غنى وقف الخلق ينظرون جميعا كيف ابنى قواعد المجد وحدى !!!!! ستوووووووب ..اعربى ينظرون !!!!!!! مين مؤلف الاغنية ؟؟؟ قولى قاااف ..لا لا دى كاف ..قوليها تانى .. من زورك من زورك .. انزلى ع الشاشة ..اخيراااا هنزل هوا !!! هوا اييييييييه انتى اتجننتى !؟! لا طبعا هتنزلى تقارير ف الشارع و بعدين برامج مسجلة !! خلاص يا فندم عملت كل ده ..امممم ...انزلى دورة لغة عربية تانية !!!!!!!! حرررااااام دى خامس مرة !! بقولك انزلى !!! ايه عاصمة بوليفيا ؟؟؟ ما معنى برجماتية ؟؟ مبن اول رئيس للاذاعة ؟؟ تعرفى ايه عن مثلث برمودة ؟؟ ايه !؟!؟؟!؟!؟ افردى ضهرك ... متحركيش ايدك ... بصى للكاميرا .. ابتسمى ... انتى بتضحكى لييييييه ؟؟! ابتسامة خفيفة ... متلبسيش مشجر ..حاضر ...ولا مقلم !!! يانهار اسود انتى جاية لابسه ابيض ... روحى بيتكو !!!!!!!!!!!!!!! خسى شوية .. كمان ...كمان ..كمان ....كمان .. لسه نص كيلو ... لا لا خسيتى زيادة شكلك وحش .. اتخنى ربع كيلو !!! هاتيلى فكرة برنامج .... اكتبى اول حلقة ... زفتتتتتت ...اكتبيها تانى !!! الا هو انتى اخدتى دورة لغة عربية ؟؟؟ يااااااالهوووى !!!!! و بعد ده كلللللللللله ابنك انت ..يضحك عليا اناااا ,,, و اكتشف ان شغلانة المذيعة لاهى بالثقافة ولا الدراسة ولا الكفائه ولا الشياكة ولا المعرفة ولا القبول ولا الشخصية ولا ايتها حاجة خااالص ..... كل الحكاية واحدة جت بجركن جاز وولاعة و هددت المسؤلين انها هتولع ف نفسها (( على شوية علاقات فوق بعض ))......الف مبروك ......بقت مذيعة !! قصة حقيقية
إعلامية بالتلفزيون المصري