هناء عصام عندى مشكلة فظيعة ف بلدنا اسمها ( السيستم واقع ) !!!!!! و دى اللى غالبا بقت بدل الجملة الشهيرة ( فوت علينا بكره ) !!! الواحد دلوقتى لو يروح يعمل اى مصلحة ف اى حته قطاع عام ولا قطاع خاص ..مصلحة حكومية او خاصة ...كارنية رخصة شهادة ولو حتى لو رايح يدفع الموبايل لازم و حتما و لابد تلاقى الموظف بيقولك ( السيستم واقع ) !! الصبح الضهر العصر اى وقت ( السيستم واقع ) طب ياخوانا اسم النبى حارسه هيرجع امتى ؟!؟! لا والله مش عارفين حضرتك بقى انتظرى معانا زى الملايين اللى قاعدين دول !! ماشى نستنى هو احنا عندنا اعز ولا اغلى م السيستم !! ساعة اتنين خمستاشر ..هااا يا كباتن ؟؟ لا والله حضرتك ممكن تييجى بكره بقى !! هااار اسود !!طب و المصلحة يا جدعان !! تروح تانى يوم تلاقى سبحان الله يا اخى السيستم لسه واقع !! الله برضه !!! طب هو السيستم ده نت ولا بيانات متسيفة و الكمبوترات هى اللى مش شغالة ولا ايه نظام اهله !!! و طبعا الطابور اللى كان فيه عشرة انهارده ..بقوا تلاتين تانى يوم و هلم جرا !!! عموما لكل اللى بيشوف كلمة ( بحبك ) احلى كلمة ف الدنيا.. اكييييد مجربش كلمة ( الحقوووووووا السيستم رجع ). لما يبقي كل همك ف شغلك الحلقة تطلع.. ولا ورقة تتمضي.. ولا تقبض ف معادك... وبعدين تلاقي 11 واحد استشهدوا عشان بيشتغلوا.. تحس انك صغير اووووي!! إعلامية بالتلفزيون المصري
