خواطر من فوق السحاب

ظريفة أوي فكرة ان اللى مات له واحد ف رابعة ( بعد الف تحذير وتحذير ) يروح يموت قصاده عشرة غدر دى !!! بس معلش هى دى كانت ف اى فصل ف كتاب الدين عشان مش واخده بالى !!؟؟ و حلوة برضه فكرة انك عشان زعلان على شرعيتك و وتك الانتخابى تفرح ف موت الغلابة !! ايه ده الا هو انت مكنتش تعرف ان اللي ممعهوش تمن الميكروباص هو اللي كان بيركب قطر أبو قير ؟؟!!! و الاحلى بقى من كل ده اللى هارينا عياط ع المحبوسين والمحبوسات وحرية المراسلين وقانون التظاهر لكن الطفل اللى مات انهارده مخدش من وقته ثانية يترحم عليه !! واطى انت يا مان !!! اهم حاجة بس وانت قاعد تحسب تفجيرات حبايبك الاخوان انهارده متنساش تسألنا وعرفتوا منين انهم اخوان ؟ انا اصلى بحب السؤال دة اوى !! و الاجابة ان شاء الله هتعرفها (واخوانك) على حبل المشنقة !! حضّر بقى الكام شتيمة بتوعك ف القضاء وف البلد وف الانكيلاب ..و متنساش المناديل عشان الدموووع هتبقى كتشيييييير.
كل ما اسمع جمال سليمان ف مسلسل صديق العمر افتكر احمد مكى ف طير انت وهو بيقول ( انت فاكرنى ايجنبى ولا ايه ده انا ابن بلد و مدق دق ) !! يعنى مفيش مانع تعمل مصرى لسانه معووج حبتين .. لكن مش لدرجة عبد الناصر يا اخى!!! قفلنى م المسلسل !!
اعلامية بالتلفزيون المصري