( عروق وغلا )

الشاعرة والكاتبة جميلة الشهري ( بارعة ) كما هو اسمها،خصت قراء ( ملامح صبح ) بقصيدتها ( عروق وغلا ) والتي تهديها للشاعرة (عيون المها) ومع شكرنا لحرصها واهتمامها وتواصلها معنا كاتبة وشاعرة، ندعوكم لمشاركتنا قراءتها حيث تقول:
بنت العبيا قافها الهب الجوف=لامس تفاصيل الالم في حشانا
في نبرته تعبير معنى وملهوف=فورة الم وزداد معها بكانا
قمنا نجر الاه من واقع الخوف = والصوت خافت ما تعدا مدانا
ننظر بعيد ويكسر الحاجز الشوف = وكل تعجب من عظم ما دهانا
وان جاء سؤال انقول سجات وظروف=والله عليم وش سبايب .. عنانا
رجل ابد ماله مشابيه ووصوف = ساكن ورا حدب الضلوع ابأمانا
اشوف كل الخلق من دونه اضعوف =واشوف نجمه لامع في سمانا
وان جيت ابين عزته عجزت احروف = شعري وشاب القاف وايضا البيانا
رجل عن أدروب الردا طيبه اينوف= ياقف على جرف النقى باتزانا
الحب ياهل الحب بين ومكشوف=يا كيف تخفيه الوجيه الحزانا
اغليه وعروقي على حبه أعزوف = واحفظه خلف اضلوع صدر متانا
وأحن له والشوق بين ومعروف=غلاه .. ما يمحيه.. طول الزمانا