لا وربك ماتغير شيء..!

( ديم الفيصل ) تصافح قراء صفحة( ملامح صبح ) من خلال نصها ( لا وربك ماتغير شيء ) ومع شكرنا لتواصلها ندعوكم لقراءتها حيث تقول :
صرت أخافك
صرت أهابك
يا أنت ماعدت أنا
قلي بربك ليه العنا
وش حصل ؟
هو أنا ماعرفتك
أو تغير في الكون شيء ؟
لا لا.. وربك ماتغير شيء
كل صبح تشرق الشمس
ويغيب الظلام
وكل ليل تحل الجروح
وتغفى وتتناسى الملام
وأنت ياقاسي
سالي وماضي
في شتات الحياة
كنت أدوس الظن فيك
وأخنق أنفاسه قبل يشتكيك
كنت أحامي فيك من قلبي عليك
وأمنحه سوط الجلاد وأقسى عليه
كنت ماأشوف الا نورك رغم عتمة غموضك
وكنت زهر عمري رغم جفاك وذبولك
وكنت وكنت وشوف وين صرت
شيء بعيد كما السراب
وظل بائس كما ريش الغراب
ووجع اصحى وأنام وهو سهر
يأخذ من أيامي وقلبي عمر
عمر غص بعناه ومااكتفى
خيباته هماليل
وحظه هزيل
يشبه نحول الفرح بدنيته
ضئيييييل ونسبي وقليييل
ومابقى من إنتظارك ياجاحد
إلا فُتات ولحظة أسى
ووقت عبرلايمكن يعود
ومابقى من العمر شيء
ولحظة الفوت مالها ضيء
تشرق فجأه وتغيبنا
ونصبح ماضي وكانوا هنا