قصيدة للشاعر سيف الرحيمي

المجلس اللي عامر بالنشاما
الطيب والبن الخضر هو مقره
***
فيه الزحول اللي عليها الكلاما
بيض الوجيه وكل خاطر تسره
***
الكبر والا الحسد ماله علاما
مافيهم اللي فيه مثقال ذره
***
لاسولفو كنك خلاف الاماما
حسن استماع ودرة عقب دره
***
في جد خامس بين خال وعماما
و الا رفيق مايجيب المضره
***
ماجالسو ياعببد خطو الهلاما
اللي كما الموجات بإصبع تفره
***
هم شفقة اللي كل عام وعاما
ينظر كواكبهم تبار المجره
***
قفو وراحو جعلهم للرحاما
ومن عقبهم بالقلب تسعين حره
***
واليوم بعض الناس منه السلاما
خيره إله لعل يكفيك شره
***
ان قلت والا قلت جتك الملاما
لو كان ودك بالثمينه تبره
***
فيه المثل محكوم تفصيل خاما
من القدم حتى زرار يزره
***
مايدفي البردان عود الثماما
ولايتعب الحطاب يومه يجره
***
الشاعر / سيف بن عبدالله الرحيمي