قصيدة للشاعر لاحق قفران

من باب توضيح الحقيقه للصحاب
وتفسير حاجاتا بصدري قديمه
ولايجي في السالفه لوم وعتاب
ا لقلب صافي والنوايا سليمه
ياللي تفلسف وانته أخطر من الداب
فكره عقيمه والنتائج عقيمه
وان كنت ذيب افالعرب مثلك اذياب
هضم الحقوق أكبر فساد وجريمة
كم واحدا منظره راقي وجذاب
لاكن يخفي شي ربي عليمه
ماني مجامل كل جاهل ونصاب
الطق في نعش الجنا زه ظليمه
كم واحدا في البيت ومشرع الباب
له عام ماسوى لربعه وليمه
ومن عاش فضهور المقفين يغتاب
هذا السلامه منه تصبح غنيمه
اخاوي المحسوب واضرب له احساب
ومشي معه بدروبه المستقيمه
وخاوي الكذاب واعرفه كذاب
لاكن ماله داخل القلب قيمه
من لاتحكم في لسانه ولعصاب
هذاك رجالا بعقل البهيمه
تقطع رقاب لجل لاتقطع ارقاب
ولا يهد الحيل مثل الهزيمه
واسلوبي المعسول لقراب واجناب
وتصرفاتي الثابته والحكيمه
ونكا نها بمجامل وطلبه أحباب
مشيتها لهل الوجيه الكريمه
ونكانها بعناد ومصامخ اشناب
أوقف لها لو العواقب وخيمه
والسيف ماينفع بلا حد ونصاب
والرجل ماينفع بليا عزيمه
لاحق قفران ابولهيمد الجبري