نعيش الحياة

نعيش الحياه وتالي العمر تحت تراب
وكل(ن)يبي يعرف مصيره تحت قبره
فقدنا من الاصحاب ولا من الأقراب
صدوف الليالي تعطي الآدمي عبره
صبرنا اشد الصبر من غيبة الأحباب
احد مؤمن وصابر واحد ماقوى صبره
سليناء ورى الدنياء وطرد الهوى جذاب
وورانا امتحان الأخره كيف نختبره؟
ياكم نستفز فلان والا ياكم نغتاب
ونضحك وحناء مادرينا وش الدبره
نكذب صدوق العلم ونصدق الكذاب
وكم خاطر(ن)سقناء المجامل على جبره
وهذا جامله بأسباب والا بدون اسباب
وهذا يعتبرك بشي وبشي تعتبره
هذال ضاوي العتيبي