قصيدة حصرية للشاعر محمدبن عمره الجابري

الجابري لو ضاعو الناس ماضاع=فكره جهاز(ن) مايبي له شريحه
من فضل ربي عارف كل اﻻسناع=كل الدروب إللا الدروب القبيحه
ون صار في الميدان شاري وبياع =لي وقفة(ن)تبري الكبود الجريحه
ﻻصاربعض الناس هايب ومرتاع=متشنج(ن)ماتسمع إللا فحيحه
ون جت مواجيب الرفق مالي اطماع=مكانتي تفرض علي النصيحه
باب(ن)يجيك بريح ورد ونعناع=الباب اﻵخرسكره قبل ريحه
واللي يحسب انه ثقيﻵ على القاع=ياخف ميزانه ومسرع مطيحه
واللي كما الثعلب حيولي وخداع=قسمه من المترديه والنطيحه
واللي عن الغلطات ماهو بجزاع=ياسرع مايجلب عليك الفضيحه
لو بان لك من جانبه حلو اﻻطباع=ذوق المرق يعطيك سن الذبيحه
واللي نهار الهوش ماجاك فزاع=عندالعوافي جعل ربي يبيحه
الذيب مايلقى طعامه ليا جاع=إللا بعد عدوه وقومه وطيحه
محمدبن عمره الجابري