قصيدة الشاعر حمد بن فرجه العليي (الخوه )

ما يعالج راسي إلا مخاوات القروم
خوة أهل الطيب عزن ولا احدن ذمها
ما نعد أهل الخمايل ولا نعد الرخوم
الهلايم حالف اني م طالع يمها
ما يحوش الطيب منهو ضعيف فالسلوم
والمراجل تتعب اللي يريد ايخمها
من تردى في المطاليق جعله ما يقوم
والعرب ما احدن بيقدر يغير دمها
طرقه المسراء تبي صاحي مافيه نوم
والعوائد ينعرف خالها من عمها
المناصب لأهلها والعوافي ما تدوم
وعقرب الأيام ما احدن نجى من سمها
لا يغرك لمحة البرق بمزون الغيوم
مكثر اللي فرحته ذا الزمن ما تمها
كان تبغى العز خلك مع أصحاب العزوم
لا تضيع فرصتك لوصفالك جمها
العمر محسوب مابين ليل وبين يوم
والليالي ما حدن سالم من همها
لو يزين الوقت فالوقت هازم ومهزوم
ورده اليشموم ماكل شخص شمها
والله ان الطيب فالراس ماهو فالحتوم
والردي معروف لو كان نفسه زمها