قصيدة للشاعر ناصر بن هلا

ماني بمجبور على خوة اللاش
اللي معي مادمت في امن وعوافي
ما همه الا لقمته كيف ما عاش
وحتى من المشروه ماهو يخافي
انا اشهد آن طبع الردي يالعرب ماش
لو طبت عنده بالوفاء ما يكافي
ماله مع الذربين مطلب ومطراش
البخل له ثوب ورداه اللحافي
جعله فدا اللي خوته تنشرى كاش
فعله مع أهل الطيب والجود وافي
ًدايم على كسب النواميس شواش
ويقطع لكسب النعم جرد الفيافي
ماهو بعلى دنياه شفق(ن) وحواش
مثل الرجال اهل النفوس الضعافي
ببلاش ياخوه هل الحكي ببلاش
وشتان مابين الردي والسنافي
كلمات الشاعر/ ناصر بن هلا الحبابي