عساه يرجع للوطن بالسلامة

تباشروا ياهل القلوب النظيفات
ويانور شعشع وانجلي ياغمامه
من يوم نايف قال بأجمل عبارات
سلطان طيب شرف الله مقامه
يالله عساها لبوخالد سلامات
عساه يرجع للوطن بالسلامه
حبه ربيع قلوبنا كل الأوقات
وشوفه معافا وسط قصر اليمامه
شيخ جمع كل الفعول الجزيلات
غيث على شعبه ومرفوع هامه
سلطان شيّال الحمول الثقيلات
فيه الشجاعة والكرم والشهامه
يادار أخو نوره زعيم البطولات
اللي فرض على الشعوب إحترامه
غني طرب لا يحزنك فايت فات
يافياض نجد وياروابي تهامه
مفرس بن فارس بن مفرح البقمي