صوتك وطاريك

لا لا توادعني ترى القلب يغليك
مقدر على فرقاك لو هي دقيقة
انته بقلبي يا حياتي وابرجيك
ومن البشر غيرك فلا عاد اطيقه
انته معي دايم وفكري يناديك
وانته وأنا وسط البحور الغريقة
أحب صدقانك وأعادي معاديك
يا روح روحي يا مضنة عشيقة
يا صاح لا تنسى محبٍ يناديك
مسكين في قلبه جروحٍ عميقة
عايش على ذكرك وصوتك وطاريك
وريّح فؤادي من عذاب يعيقه
ارجوك حلمك يا عسى الله يبقيك
ولا بد من يومٍ تعرف الحقيقة
اطلب من المولى يحفظك ويحميك
ترجع لنا سالم على أحسن طريقة