اشبك يا سيدي من ساعة ما تركت الجريدة وعيونك مدمعة وتبكي كمان ؟! أقدر أعرف ليش كل دي الدموع والبكى.. افتحي الجريدة وشوفي الصور اللي فيها .. هادي يا سيدي صورة لاجئين وصور أطفال وحريم شهداء وصور رجال محاربين وصور ناس راكبين في قلاب سيارة شكلهم هاربين من بلدهم ايش الحكاية ياسيدي؟ هادول يا ستي الناس الضعاف الغلابا الفقراء هاربين من بطش وطغيان حكوماتهم اللي حرقت بلدهم ودمرتها، حكوماتهم اللي أكلتهم المر والعلقم، حكوماتهم اللي دمرت حياتهم، حكوماتهم الظالمة اللي أكلت خيرات بلدهم ودمرت اقتصادهم بتصرفاتهم الظالمة تركوا شعوبهم تاكل في بعضها لا أكل ولا شرب ولا تعليم ولا أمان ولا اقتصاد لانه كل اللي يهمهم كرسي رئاسة الدولة وما يهمهم إلا نفسهم وأهلهم أما شعوبهم الغلبانة مالها قيمة عندهم ،، هادول اللي جالسين على كراسي الرئاسة ما يهمهم شعبهم ولا بلدهم كل اللي يهمهم كيف ينهبوا وياكلوا خيرات بلدهم وكيف ينهبوا ثرواتها وكيف يدمروا اقتصادها بظلمهم وجبروتهم وطغيانهم على الضعاف من عباد الله لكن الله سبحانه وتعالى يمهل ولا يهمل «ويمكرون ويمكر الله والله خير الماكرين»، هادي الصور اللي بتشوفيها لناس عرضوا حياتهم للموت والخطر وخرجوا من بلدهم عشان يدوروا على لقمة العيش الكريمة لهم ولأولادهم عشان للأسف حكوماتهم أجبرتهم على هادي التصرفات لأنهم أكلوا خيراتها ونهبوا ثرواتها بظلمهم وجبروتهم وطغيانهم على الضعفاء من الناس اللهم يارب عليك بكل ظالم متكبر متجبر دمر بلده وشعبه واحفظ يارب مملكتنا الحبيبة من كل كاذب ومنافق وجائر، واحفظ يا رب حكومتنا الرشيدة بقيادة حبيب القلوب وحبيب الأمة الإسلامية سيدي خادم الحرمين الشريفين أطال الله في عمره ومتعه اللهم بالصحة والعافية، واحفظ اللهم ولي عهده وإخوانه وكل الأسرة الكريمة ومتعهم بالصحة والعافية، واحفظ اللهم على هذه البلاد أمانها وعزتها واستقرارها. [email protected] للتواصل أرسل sms إلى 88548 الاتصالات ,636250 موبايلي, 737701 زين تبدأ بالرمز 150 مسافة ثم الرسالة
