هم إنساني

الضيفان

جتني أمي يوم عطلة صبح والساعة ثمان قالت: انكع جعلك المرقد .. قد الساعة احدعش قالت: اعجل ياصبي قم هات موز وبرتكان عندنا ضيفان. قلت : ألحين؟ من ذا اللي غبش! قالت : أم حسين بن مسفر. قطيرتنا زماناك خابرها؟ مرت مسفر شطر وجهه نمش قلت: ومن به غيرها؟ ذا صوتهم مالي المكان قالت: إيه كونها (رفعة) مرت ذاك الخدش ما تعرفه اسمه (سعيد) عساه السيرطان جعلة البال وش قد لزموه مره وابتلش قلت: وش قومه؟ وقالت: زادت ديونه وحان وقد بغى يسجن ثلاث سنين إلا من قحش وقالت إنه لوث ب (رفعة) نهار بخيزران قال: بابيع الذهب كله مع اللي في يدش ثم جرت (رفعة) لإخيها تبكي وتشكي الهوان قال: ابن محسن. أربه ما تجرا وخبطش؟ قالت: إلا جعله السلال.. ذا فعله يبان في جنوبي.. وظهري مليان دميان ومخش قال إخيها: والله إن يجيش علمه ذا الجبان قالت: إلا غير كبه. قال: هين مامعش وراحت أمي تسولف ب (رفعة) وقاطعها الأذان.
وقالت : أمك يا صبي! كم ساعتك؟ قلت: إحدعش.