مرحوم يا شيخله المجد عنوان

مرحوم يا شيخ له المجد عنوان
سلطان شيال الحمول الثقيلة
مرحوم يا من عاش بالصدق وايمان
ومشى على الحق المبين ودليله
مرحوم يا راع العطايا والاحسان
ومدة يدينه بالعطايا جزيلة
يا ما عطا من كل محتاج فقران
ويا ما عطا من كل يوم ٍ وليلة
يمطر على شعبه كما غر الأمزان
يسقي الديار المسنية من مخيله
مدات جوده للدول اين ماكان
وليا عطا عطواه ماهي قليلة
سلطان فضله عم شايب وشبان
للأرملة وكل من يشتكي له
شرع بحور العرف عاقل وفهمان
ومشى على كل العلوم الجميلة
وللخصم مرصاد ٍ وللحق ميزان
ميزان حق ولا حصل فيه ميله
كل الوطن والشعب يبكون سلطان
سلطان هو راع السجايا الفضيلة
ويبكي عليه الجيش في كل ميدان
ويبكونه القوات كل الفصيلة
عسا له الجنة منازل ومسكان
بحق رب ٍ كلنا نرتجي له
ويعيش أبو متعب ونايف وسلمان
اهم (ه) لنا درع وحصون ٍ ظليله
حنا نعيش بخير وأنعام وأمان
وحكامنا نسل الحرار الأصيلة
وصلاة ربي عد ما هل ودان
على رسول ٍ شرف الله قيله
قصيدةللشاعر هديان بن عائض الحارثي