كسرات

كنت الأمل لي والأحلام
وأعيش فالحلم بك وأصحا
لكن تبين مع الأيام
أحلامي كانت بكم شطحا
***
قلب المعنى تعب واحتار
من زود ما جات فيه جروح
كل ما رسى قلبنا واختار
ياتي عليه النظر ويروح
***
يا صاحبي خاطري قنعان
ما عاد درب الهوى نمشيه
لولا إلهي بلطفه عان
لا راح قلبي ضحية فيه
***
سنين تعطي ولا تنضب
وبعد الوفا يهجرك ويغيب
لك حق يا قلبنا تغضب
الجرح أكبر من انه يطيب
***
لو أضمن العمر لو ساعة
ما عشت لحظة بها محروم
لكنها أنفاس خداعة
تاتي فساعة قدر محتوم
***
عد الخطا واحسب اللي تعد
وزود على حسبتك أضعاف
فقياس حبي لكم ما تسد
لو كان هذا الهوى بنصاف
مشعل النويمي