شاعرة وأكثر من صورة

بخّوت المرية

ليته يناديني وانا بس اناديه
واجاوبه يا حسين ولو كان مرة
عليه قلبي يابسات عراويه
اقفى بقلبي من ضلوعي يجره
***
سرور
ان ضحك لي صاحبي سر قلبي وافرحه
وان تغلى صاحبي زاد عيني شرها
صاحبي ناوي بذبحي وانا ما اقوى اذبحه
شب في كبدي سنا نار زوّد حرها
***
هواجيس
انا دمع عيني بالدقايق وبالساعات
ولا هي على فرقا المحبين مسترة
هواجيس قلبي كل ما أقول راحت - جات
تعّود علي باليوم خمسة عشر مرة
***
توجّد
وجودي على بيت الشعر عقب بيت الطين
وجودي على شوف المغاتير منثرّة
وجودي على خوة هل الموتر المقفين
وجودي على شوف السهل من ورا الحرة