درة العز والشموخ

طرالي وجهك الغايب مع أصوات القصيد وقلت
هلا بأجمل قصيد(ن) لو كتبني قلت أنا الشاعر
تصدق كل رغباتي نفتني في سماك وخفت
تكون آخر مودع في لقاي وأول مسافر
أجمع من غلاك أشياء تحن لعبرتي لاصحت
أرتب في هواك أعذب شعور(ن) حن له خاطر
عرفتك قلب مايقوى يخون وينجرح لو خنت
عرفتك قلب يعطيني غرامه والهوى كافر
تعال أكتب مواعيدك على شفاف الحكي والصمت
أنا مليت من دور الحزين وكلمة الصابر
أحبك.. كيف ما أحبك وأنا اللي لا نسيتك قمت
أعدد من مزاياك الغريب وأترك الساحر
أحبك تنبت ابصدري عيون ووردتين وأنت
ترتل بالعطر غيم(ن) رسمته والغلا ماطر
أحبك كثر مايطري على بالي هواك ورحت
ألملم من شوارع دفتري سطرين ومهاجر
شعر: المها