وجودية قلقة

لا صرت ما اعرف غايتي وين صارت
كيف أقدر ابحر قبل لا تذبل دروب
وياوحشة أعماقي خيولك تبارت
تستنفر اشجاني وترحل بي غروب
ولو كل نار يوم تخجل توارت
ماشفت راسي كل خطراته ذنوب
ولو كل طعنه تحمل الجرح خارت
ما كان قلبي كل نبضاته ندوب
وما اكرم من اللي فك صدره وطارت
حمامة أحلامه وجنحانه تذوب
وما اقسى من اللي صك روحه وبارت
وما أجبن من اللي حط في حلمه عيوب
ويا ليت عقلي يوم هالشمس غارت
في كهفه المشرق تخطاني هروب
كان أصطلح ساقي ودربي وثارت
فيني أغاني قبل لا ياصل غروب
* خالد عوض العمري