مجرد طيف

عوافي يا مجرد طيف أشوفه مر قدامي
أصدق كذبتي بشوفه وأصافح بالوهم يمناه
عوافي يا السراب اللي سكن في أجمل أحلامي
سراب (ن) عانقه حلو الأماني و الوله ناداه
يقول أبقى معي بالحلم يا مستقبل أيامي
وداوم في زياراتك و خلك بالوصل رجواه
تصدق رغم ياقربك أشوفك صرت بأوهامي
ورغم إنك معي دايم أحسك طيف أبي ألقاه
و رغم إني معك أصدق و ناظر بصمة إبهامي
على كل الكلام بمجمله أو ما سبق فحواه
تحسسني قبل لا أعيش من موتي بإعدامي
ويسبقني غموضي لك و هذا اللي تبي تقراه
وضوحي ما قدر يوصل وكنه من ورى لثامي
وحتى الطرحة اللي تحجبه عافته ما تبغاه
عجزت أوصل لتفكيرك ولا ساندني إلهامي
وكل اللي تشوفه في عيوني لو بغيت أنساه
خلاص اللي أبي قلته وحتى جفت أقلامي
وصرت أصدق الكذبة و طيفك مد لي يمناه.
عوافي يالسراب اللي سكن في أجمل أحلامي
سراب (ن) عانقه حلو الأماني و الوله ناداه.