لو ما بقى

بالعمر إلاّ ضحى شَمسْ
فديت به ديني وداري واهَلْها
ما قد ذَخَرت اليوم عنها ولا أَمْس
هي عشقة أفكاري وغاية أمَلْها
أجْهَرْ بها ما نيبْ انا اقولها هَمسْ
عادات أبوي وجدّي اللي صقَلْها
حنّا هَلَ التوحيد إذا غيرها هَسْ
وحنا هَلَ التطوير صَقْر وجمَلْها
نبني على مبنى السّلَف عزّة النّفْس
ونفاخر العالم بنادر مثَلْها
ونسابق الأيام ونوَرّد الخَمس
ونكسر مخالب من يدوّر شكَلْها
ومن لامسَتْ اصابعه حدّنا لَمْس
نقطع يدينه ما درى وش فصلها
ومادام سلمان الحزم لقّن الدّرْس
ما همّنا غادي الحياة وهَمَلْها