لو ما بقى قصيدة للأمير خالد الفيصل في ذكرى اليوم الوطني السابع والثمانين للمملكة

لو ما بقى عنوان قصيدة نظمها صاحب السمو الملكي الأمير خالد الفيصل بن عبدالعزيز مستشار خادم الحرمين الشريفين أمير منطقة مكة المكرمة بمناسبة ذكرى اليوم الوطني السابع والثمانين للمملكة :
لو ما بقى
لو ما بقى بالعمر إلاّ ضحى شَمسْ
فديت به ديني وداري واهَلْها
ما قد ذَخَرت اليوم عنها ولا أَمسْ
هي عشقة افكاري وغاية أمَلها
أَجْهَرْ بها مانيبْ انا اقولها هَمسْ
عادات أبوي وجدّي اللي صقَلْها
حنّا هَلَ التوحيد اذا غيرنا هَسْ
وحنا هَلَ التطوير صَقْر وجمَلْها
نبني على مبنى السّلَف عزّة النّفْس
ونفاخر العالم بنادر مثَلْها
ونسابق الأيام ونوَرّد الخَمس
ونكسر مخالب من يدوّر شكَلْها
ومن لامسَتْ اصابعه حدّنا لَمْس
نقطع يدينه مادرى وش فصَلْها
وما دام سلمان الحزم لقّن الدّرْس
ما همّنا غادي الحياة وهَمَلْها