"لو ما بقى" قصيدة جديدة ل"خالد الفيصل" بمناسبة اليوم الوطني 87

نظم الأمير خالد الفيصل مستشار خادم الحرمين الشريفين أمير منطقة مكة المكرمة قصيدة بمناسبة ذكرى اليوم الوطني السابع والثمانين للمملكة.
وجاءت القصيدة بعنوان: "لو ما بقى"، ويقول فيها:
لو ما بقى بالعمر إلاّ ضحى شَمسْ
فديت به ديني وداري واهَلْها
ما قد ذَخَرت اليوم عنها ولا أَمسْ
هي عشقة افكاري وغاية أمَلها
أَجْهَرْ بها مانيبْ انا اقولها هَمسْ
عادات أبوي وجدّي اللي صقَلْها
حنّا هَلَ التوحيد اذا غيرنا هَسْ
وحنا هَلَ التطوير صَقْر وجمَلْها
نبني على مبنى السّلَف عزّة النّفْس
ونفاخر العالم بنادر مثَلْها
ونسابق الأيام ونوَرّد الخَمس
ونكسر مخالب من يدوّر شكَلْها
ومن لامسَتْ اصابعه حدّنا لَمْس
نقطع يدينه مادرى وش فصَلْها
وما دام سلمان الحزم لقّن الدّرْس
ما همّنا غادي الحياة وهَمَلْها