حُب متعبني!

لا تلمس الجرح نزفه حيل يوجعني
وهموم صدري تطاردني بذكراها
ما عاد بي حيل يا عمري يساندني
تعبت اخفي دموعٍ ينتثر ماها
اشابه الطير والقناص يطردني
قناصي الهم والذكرى وبلواها
ولا كما وردة والشمس تحرقني
ووسومها وسط خد الوردة ادماها
كني وماضي زماني معه يكتبني
ويسطر حروف حزنٍ لاجل تقراها
دخلت بالله عليك ابعد وودعني
وانسى الوله يا وزين الروح ودواها
أخاف تتعب معي وتعود تتركني
وتجز أقصى عروقي وتنزف دماها
اليوم انا كني الطفلة تدلعني
وبكرا همومي تحد الروح لاقصاها
لذلك ارحل وخل الوقت يسعفني
وانساك يا نور عين النور وشفاها
واللي خلقني احبك حب متعبني
وروحي من الشوق تعذلني برجواها