تعبت أدور حلول وتعْبت أقدامي

ما والله أن الصدور اليوم منشرحه
في تالي الوقت زاد الميسم الحامي
وش حيلة اللي سطى به همّه وجرحه
ومن الزمان وصدوفه حيل منظامي
صدوف الأيام نسّتني وش الفرحه
عنّي لها اللحين حروة خمسة أعوامي
من شي بالصدر يصعب وصفه وشرحه
لا واقع القول يشرح لا ولا الهامي
ما عادت الروح مثل من أولً مرحه
والله عليم بسبايب نزف الأقلامي
يا صايب الراي هات الراي وأقترحه
تعبت أدور حلول وتعْبت أقدامي
مدري يطول الشتاء والليل في ترحه؟
ولا تزين الحظوظ وتسعد أيامي
لاشك منهو نوى للمجد في صرحه
يشوف من لايعات الوقت الاوهامي
عبدالله حمود المزيني