حب الوطن

نهض شعر الطرب يا ناشدين الحال كيف الحال
حضرنا يوم جابوا طاري العرضة السعودية
سلامٍ من جنوب المملكة كله فخر واجلال
يسوقه مزنة والجود يرعد في مناشيّه
على نجد العذيه والحبيبه بالوفاء يختال
من الخفاق ودلال المشاعر نارها حيّه
يصافح من لهم بالقلب وبعرش الغلا منزال
هل العوجاء هل الميقاف حكام السعوديه
ونهنيّ للملك سلمان بشعبٍ للوفا ما زال
شرب حب الوطن من صغر وارواحه فداويّه
ونهني شعبنا بالحاكم اللي لمّنا واشتال
هموم الدار واهل الدار وكبارٍ هقاويّه
نهض بالمملكة واغدق عليها من السخا الهمّال
عسى الله يحفظه ويديمه ويجزا مساعيّه
عمارٍ يا ديارٍ طيبها يرقى بها الاميال
ولها موروثها وبيوتها بالطيب مبنيه
تراث اجدادنا يبقى فخر تتوارثه الاجيال
ويبقى فخرنا والعزّ والعرضه سعوديه