صروف الليالي

وآ عذاب اللي فقد غالي عليه
ساهرٍ ليله ونومه ما درابه
مالقى له بالهوى غيره يجيه
مستجير من الشقى غادي صوابه
صبح ليله لايمه ومبتليه
ياوجودي وجد من ضيع إركابه
تايه ٍ في مهمهٍ مبعد وطيه
الظواري والقفر والجوع صابه
الهوى ماله صديق ٍ ينتخيه
من تبعد عنه محبوبه غدابه
لا تنام وصاحبك والضيم فيه
تكبر همومه ولا تلقى جوابه
لاحدٍ يرضى ولا قُربك يبيه
الغضي حلل عقابه في صحابه
ذنب عاشق في غرامه مشتريه
ماسلاه ومن بدى عمره شبابه
الوله والنار في صدري وأبيه
لا تلومون المولع في عتابه
من ينادي خافق ٍ يستر عليه
بانت صروف الليالي في عذابه
يا هل المعروف دلوني إليه
الجزاء ياناس من ربي ثوابه
ماشبكني عنه مجمول وشبيه
حط سهمه في ضميري واشتقى به