الجمايل

خذ لك عن الخاطر بيوتٍ على الكيف
طرت علي من دون لا بحث خبرها
الصاحي اللي لا ذكر حدة السيف
ما اقدم على الغلطة وعارف خطرها
والجاهل اللي لاهي بالمصاريف
همه على جمع الفلوس وحصرها
وانا اخذت من الليال العواصيف
خوة على ساسٍ يبين ثمرها
والخوة اللي ما تروم المشاريف
ان هي صفت لك ما يطول عمرها
اوزن كلامك لا يجي فيه تحريف
مانته بلاقي للخطايا عذرها
واصحب من الخلان من يكرم الضيف
طلق الحجاج وخوتك ما نكرها
اللي يمينه للعطايا مغاريف
كل الجمايل والمحاسن ظفرها
هذا كلام الحق من غير تزييف
والعاقل الي شيمته ما خسرها