الصبر

لا تظن الوقت يصفا يالضنين
ان صفا لك يوم لابد ما يشان
الزمن ماهو على خبرك رزين
قد تغير من زمان ابذا المكان
كانت الزله تصير و ماتبين
تندفن عند النشاما ماتبان
والصديق الوافي الحر الأمين
هو سنانك يوم تصطك السنان
ما بقى بذا الوقت غير المرجفين
واللي مصلحته يدورها علان
للأخوة لا يعان ولا يعين
وبالوفا والصدق ما له أي أمان
ما كفاه انه على ربعه خوين
كاذب نمام بأفعاله مدان
يركب المجدوب ظهر الغانمين
ويسقهم ماي المذلة والهوان
الصبر ثم الصبر يا طيبين
ما يخيب إللي على الله استعان