الدرع قصدك فيه فرحة والاوناس لاشك عند اللي يجي له ثميني

كان لغز الاسبوع الماضي من طرح الشاعر علي برجس الجعفري من الرياض والذي يقول:
أنشدك عن رجل يحبونه الناس
رجل على حد المواسم يبيني
قديم له وظيفة مالها اجناس
والحين يذكر فيه جهد الجبيني
اول وثاني حرف يشرب بله كاس
وثالث مع اول حرف حسبة فطيني
واول وثالث حرف تركك للادناس
والغطو ما يقوى له إلا الذهيني
وقد توصل للرمعة الصحيحة :
لقيت حل اللغز ياطيب الساس
وكاد ماهو ياالعزيز تخميني
الدرع قصدك فيه فرحة والاوناس
لاشك عند اللي يجي له ثميني
تكريم للي يستحقه من الناس
من شخص يقدر جهود العويني
صالح عبدالله الزرير التميمي - الرس
للغز جَا يا علي بِقياس
نظْمٍ ومعنى وتنظيمي
والحل دِرعٍ وضع ع الراس
في كِل عصرٍ عن الظيمي
سعود عائش الحربي- جده
ياعلي بن برجس بيوتك على ساس
قوية المعنى وعمق متيني
الدرع حل اللغز من دون هوجاس
أقول هذا الحل والله يعيني
علي الرشيد _ رياض الخبراء
لغزٍ على ما قيل ضبطٍ بمقياس،
عن شيّ مصنوعٍ لنا من سنيني.
درعٍ قديمٍ يلبسه طيب الساس،
حمايةٍ للراس والوجنتيني.
محمد مقحم المقحم-الرياض.
لغز الأسبوع
كتبه الشاعر: خالد ابراهيم المرشود من الرياض ويقول :
ياويش رجال كثير بالاوطان
وفي كل بيت وكل موتر له احجام
اول ورابع حرف فعل لسجان
وثاني مع اول حرف مهنه بالانعام
نستقبل الحلول خلال «ثلاثة أيام»
من نشر اللغز على إيميل الصفحة:
rb-khozama@alriyadh.com