قصيدة للشاعر ذيب بن سعيد آل سوده

يالله ياللي بك الآمال معلوقه
تكتب لنا في الحياه أجزل سعادتها
وبفضلك ورحمة الخالق لمخلوقه
تلطف بنا ساعة المحشر وكربتها
وتحفظ لساني عن الزله بمنطوقه
ونفسي لدرب الهدى عجل هدايتها
ياموثق الطبع ياللي تحفظ حقوقه
سجل تجارب لابن سوده وثبتها
ياعاشق الطيب لاتنغر بطروقه
وتتعب ركابك بوجهه غير وجهتها
ارسم لسير الحياه اهداف مرموقه
ترضيك لي وصلت الرحله نهايتها
والناس في تجربة ليام مسبوقه
اسمع من اهل التجارب واخذ خبرتها
ومن عامل اهل الردى لايامن البوقه
لا يشتري كل بضعه من دعايتها
احيان ياللي ومنت الجمر وحروقه
تلقى رماد المناره فوق جمرتها
والصبر محمود والامال ملحوقه
لاكن ليا جات فرصه لاتفوتها
واطيب فعول النشاما ينعدم ذوقه
لي عدت الناس ماتعرف مكانتها
ترا الذهب مايباع يكون في سوقه
توزن به الجوهره وتعرف قيمتها
ومعادن الناس مختلفه ومفروقه
لاتنخدع عن جواهرها بلمعتها
ولاتقول قصدي النخل ماقصدي عذوقه
ما تورث اهوى النفوس الا مهانتها
ومن طاوع اهواه شاخت وركبت فوقه
ونفسك مطيتك ولا انته مطيتها
من ساقها في رضى الله طابت وفوقه
ومن ساقته في هواها ذاق حسرتها
الشاعر / ذيب بن سعيد آل سوده القحطاني