صدق الأفعال

الشاعر سالم بن وحير يعود من غياب طويل بهذه القصيدة الجميلة..
قول الكلام يثمنه صدق الأفعال
كلام وافين المقام يحمونه
ماجيت ادق الباب من ضيقة البال
يا مشرعين الباب لا تقفلونه
الناس كلٍ له مكانه ومنزال
والراس منزاله يشرف امتونه
يامراقب اهل المال واصناف الاحوال
العز له بيتٍ اوساعٍ اركونه
كسب الردى سهلٍ على روس الانذال
والطيب كرمان اللحى يقدرونه
وجه الرجوله ماله ألوان وأشكال
ماغيّرت صكات الايام لونه
احدٍ ينزل قيمته مكسب ريال
واحدٍ يموت ولا حياة المهونه
شفت الرجال اللي من زحول ورجال
يشكون من حر الدهر والخشونه
تقصر يديهم دون ما يلحق المال
وتلحق مجالٍ يقصر المال دونه