«سمي إمعزي»

قصيدة إهداء لصاحب السمو الملكي الأمير عبدالعزيز بن سعود بن نايف «حفظه الله»
ما خاب من يختار من روس الاخيار
خيار من تسند عليه استشاره
خيار الرجال اللي لهم عدل الأفكار
بالحل والمعنى وجزل العباره
هذا سمي إمعزي الصادق البار
هذا الحفيد اللي رفيع وقاره
عبدالعزيز إللي على الدرب مااحتار
العدل يفهم منهجه بالإشارة
والشور لامنه تقافن الأشوار
رفع مقامه في رفيع المناره
دربه يمين ولا سلك درب إيسار
أيمن فكر وأوفى بكل اقتداره
ودوره ليا منه تبارن الأدوار
يسبق على العليا بعزم وجساره
ولا هوب من اللي كلمته صار ماصار
ايصرف العاني بكثر اعتذاره
يعطيه علمٍ وافيٍ صادقٍ حار
واضح وضوح الشمس بوسط نهاره
من مدرسة نايف خذا تاج وإشعار
عز الله إنه ماغدا عن مساره
ومن سعود ومحمد كسب كل الأخبار
من منهلٍ فيه الوفا والصدارة