يموت الفهد ما ماتت اعماله

إن يغيب القمر ما غابت انجومه
وان يموت الفهد ما ماتت افعاله
أبو تركي رحل ما فنيت اعلومه
كل وقت ذكرنا زاخر اعماله
وابو فيصل خذا بالعدل مقسومه
هو. فنا. لا وربي نحمد افضاله
ودعوا بالمقام الذرب واسلوبه
كل منهم إصروح أمجاده أبقا له
هكذا دورة المقدور محتومه
كل قمر يغيب يجيك بهلاله
احمد الله ما كنه غاب زيزومه
اقبل اللي زعيم الحكم يهيا له
حل أبو متعب الضرغام من يومه
فوق عرش اشداد المجد يزهاله
عن يمينه عوينه مسند اعزومه
ابو خالد شلال الجود والطاله
ليت عبدالعزيز يطالع اقرومه
بينهم بالعقيدة كلبوا اعياله
اشهد انه ما خاب الظن واحلومه
في سلاطين كل ينقل احماله