كفو

هاجر الخاين ولو شفته يبيك
وعاشر الوافي ولو قربه جفو
النذل يقدر يبيعك يشتريك
والوفي في جفوته قلبه صفو
واحذر اللي لا عطا منّه يجيك
والنباهه في دروس اللي هفو
يا تناقلنا علومه من حكيك
او يسمى بالعطا ماهو كفو
العطايا ماتغنّى فالصكيك
والفعايل ما هي احلام الغفو
وانت لا فكر عطاك بمَن عطيك
سبح الله في نباته وارشفو
الشجر يعطيك لو يبخل سقيك
يكفي اظلاله مع ان فاقد لفو
كثْر ماتجفاه شوفه يحتويك
كثْر ماتقسي عليه اجزل حفو
وأكسجينه صافيٍ يسخى إليك
لو عليك ابخل تمنيت العفو
لا تذل النفس هي منك وفيك
خانة المذلول قشرا تعرفوا
لا تأمن من كرم لك في يديك
بعضهم قلبه مثل لون الطفو
لا تخلي شخص يتفضّل عليك
كود شخصٍ شهْم وسنافي كفو