«عطني دليل»

عطني دليل انك على البعد قاوي
وانا على السلوان بعطيك ادله
غصنك قبل حولين بالقلب ذاوي
ميّت وْ لوهو باقيٍ في محله
ما اثمر غلا يومه مْن العرق راوي
ومزن الوله في كل حينٍ يبله
وش ظنك بليا موارد يساوي
وحتى الورق من ريح الاهمال هله
كانك مثل مآاوي لهالغصن تاوي
تكفى على الصدّه تقوى وُتله
دام الرحيل بخاطرك لا تراوي
إستجمع قْواك وْتوكل على الله
حسْنه لك اذكرها تكفر مساوي
وموقف اذا تحسب مواقفك أجلّه
تلاشت انفاس الرجا والهقاوي
وماباقي الا يطلب الحب حِله
والمحتضر لا تعرضه للمداوي
ما ينتفع لو يآخذ دواه كله
ودربٍ سلكته وانت راغب وهاوي
مازال لك سالك واظنك تدله
ارجع معه كانك على البعد قاوي
وانصحك اذا منت بكفو شي خله