«لا تنبشين الأمس»

لا تنبشين الأمس خليّه مدفون
تحت الثراء للدود..لا تنبشينه
خليه بين اللحد والِلبن مصيون
قلبي نساه وغاب عني حنينه
من زود صدك والكبر..مات مطعون
وأرجوك دامه مات..لا ترتجينه
ونفسي بعزتها ولا أرضى لها دون
وقلبي نكف لي خايفٍ تطعنينه
ونسيانك الماضي وما كان مرهون
بأنك عن عيون الزمن تمسحينه
وترى الوعد للحر يا بنت عربون
وأنا رفضت ولا زم ترفضينه
وللحب قيمه عند منهم يعرفون
سلمه وصل..ومواصلِ..تجهلينه
وبيني.. وبينك إرتفاعات وطمون
وقلبك علي النسيان ربي يعينه
وآخر رجاي الأمس خليّه مدفون
تحت ثراء الحرمان..لا تنبشينه