مََرثية أبٍِويْ !ْ‏

بنت أبوهآ :
مرثٍِية ابوي الشيخ سعد بن حمد آل عُمَر
الله يرحمًَه ويسكنه فسيح جنآته..
الذي وآفاه الاجل يوم الجمعه 25 -2- 1430ه
/
عظّم الله أجرك يا قلبي . . وأجبر مصابك
في الغالي اللي انت عنده شي لا يمكن يهون!
أبوي اللي لا تضايقت نوّخت عنده ركآبك
يمطر عليك من الدفا والحنان يا قلبي مزون!
ب ضمّته تعشقك عروق الفرح والحزن يهابك
وكلمته ..تجبر كسر خآطرك لو كان محزون!
ضحكته تخنق انفاس الألم .. وتنهي عذابك
وبٍ [موتته] مات كل شي كان به مرهون!
يا موت كم ترجيتك قبل يومه تسقيني شرابك
يا موت كفوفك اخذته وزرعت فيني طعون!
يُبَه والله يوم ادفنوك تمنيت كنت ترآبك
ماابيك تغيب عني يا صاحب القلب الحنون!
يُبَه أنت رحلت . . وكل شي في البيت جابك
هذي عصاتك وهذا بشتك في الزاويه مركون!
وهذي ثيابك تشكي الوحده وسط دولابك
يُبَه عذّبني منظرهم بعدك .. بمن يزهون!
و ريحة العود لما لفحتني صحت أبوي هلا بك
حسيت باقبالك والناس تصرخ ابوك مدفون !
و السرير اللي لم ضعفك صاح وحكى بك
رميت نفسي عليه وشهقات روحي ينادون!
يُبَه ارجع أبيك محتاجة ارتوي من سحآبك
الناس مهما عطوني يجي يوم ..ويشحون!
يُبَه ارجع لاتخليني .. انا مااتعزوى إلا بك
عزٍ غير عزك يا يُبَه ماهوب مضمون!
ايآم من عمري بقت كيف اعيشها بغيابك
وكل شي يمر دونك .. ماله طعم ولالون!
عانيت من التعب شيِ ربي اللي درى بك
صابر و تنتظر الفرج محِسنٍ بالله الظنون!
وإليا سالتك يُبَه عن التعب اللي سطى بك
تحمد الله تقول طيب و عيونك يشتكون!
مطلق وجيهنا حيٍ وحتى في ساعة ذهآبك
موتتك فيها فخر .. روحك فاضت بهون!
ميتٍ فجر الجمعة مرتآح .. ومبتسم نابك
والوجه منور والنآس لك بالجنه يدعون!
يفخر بك مغسٍّلك يوم شال عنك ثيابك
يقول حظي بأبوكم غسّلته .. بالله لاتبكون!
يُبَه شعري مهما حكى عنك ما اكتفى بك
لكن أبياته لما سمعت بالخبر جوني يعزون!
عزآي انك تركت لي سيرةٍ فيها أطيابك
واني قطعةٍ منك .. دمك في عروقي مصيون!
و مناي .. الله يرزقني بٍ ولد ويتسمّى بك
سًعٍدْ أبيه مثلك يا يبه في كل شيٍ يكون!
و دعاي الله يجزاك الجنه وفيها يجمعنا بك
وعلى ٍّبرك بعد موتك الله يمّدني بالعون !
وعلى ٍّبرك بعد موتك الله يمّدني بالعون !
وعلى ٍّبرك بعد موتك الله يمّدني بالعون !
بنتك .. المجروحه من غيآبك
أمل سعد العمر