احفظ السر

الله يسلمك يا مسلّم علي عبر التلفون
سلامك أحلى سلامٍ طق سمعي في حياتي
لا تعتذر ما جرا تقصير واللي فات مدفون
لا تبحث اللي مضى خله ترى ما فات ماتي
العهد بيني وبينك ما يبي تأكيد مصيون
في ما مضى من ليال وفي الليالي المقبلاتي
زودٍ على اني عقب فرقاك حالي دون في دون
لازمني الهم يا فتان عقبك في مباتي
حزنٍ على غالي لي راح صاب القلب بطعون
تعادلت عقب فقدي له حياتي مع مماتي
والا ترى القلب عندك يا وزين الروح مرهون
القلب لك ما حييت وكاتبه لك في وصاتي
أعز ما أملك خفوقي دونك الخفاق مرسون
من حيث ما جاز لك قوده حياتي مع حياتي
بس احفظ السر خله بيننا ميت ومدفون
من يمي ابشر بحفظه بس حذراك الوشاتي