عن الغير يَفْرقْ

خَلّوني ابكي وانثر الدّمع واشْهَقْ
خَلّوني اطَفّي بقلبي حَريقه
يانعنبو قلبٍ على ابوي مارَقّ
يانعنبو من لااوْنَسْ اليوم ضيقة
الموت حق وحزن الانسان له حق
بحر المشاعر موق عيني طريقه
وش عاد لو بدموعي اشرق وأغرق
نار الفراق لسَيّدي ما أطيقه
نوٍّ علينا رَوّح ارعد وابرق
تسْع سْنُواتٍ ما يوقّف بريقه
سحابةٍ تمطر على الشعب تَسْبِق
كل الأماني والعطايا حقيقة
عبدالله اللي بالحبيَبين ماعَقّ
صان الأمانة واحتفظ بالوثيقة
واليوم ودَّع واسْلَم الروح ماشَقّ
صَفٍٍّّ ولا خان بْخفايا رفيقه
ياكُبْر فَقْد اللي على الشعب يَشْفَقْ
من غَزةّ الشوكة ..الى ما يعيقه
القايد الوالد .. عن الغير يَفْرقْ
حاكم وطن .. مُلْكه قْلوبٍ رقيقه