ليل الهواجيس

البارحه يوم القمر اتقى وغاب
وراسي معيي لا ينوش المخدّه
سهران مع ليل الهواجيس بعتاب
أطوي فراش اللوم وارجع أمدّه
مدري من اللي صار ياوقت نصاب
ولاادري تذم النصب ولا تودّه
سمّوك مثل السيف قطّاع الارقاب
يدي على نصله وقلبي بحدّه
كثر التساؤل كم فتح باب وابواب
وعاده يعودلي عقب كل مدّه
حطاب ياوقتي للأحلام حطاب
تصنع لي الشده ولا فيه شدّه
غريب لو ماحولي اشخاصٍ أجناب
أفتي لنفسي بشي وأخذ بضدّه
حديتني ياوقت لاذناب الاذناب
ومن الاشدّه طاح راعي الاشدّه
كل ما اتوكل واتهقوى بالأسباب
هذا محال وذاك مانيب قدّه
اما نعيش اغراب ونموت اغراب
او نمسي برده ونصبح بردّه
ما كل كذابٍ نسميه كذاب
قبل نعرف اسبابه اللي تحدَّه
الداب ما ينهاب لو ماله انياب
يوطى عليه بكل روحه وردَّه
لكن أنا ياوقت في محكم كتاب
عندي الولي مكتوب رزقي بيدّه