العيد قفّا

==1==
العيد قفا وانا ماشفت محبوبي==0==
==0==مالي جدى الا البكا وافرّك ايديّه
اصيح بالصوت.. يامن يلتفت صوبي==0==
==0==تكفون تكفون يامن يلتفت فيّه
يامن يوصل سلامي له ..ومكتوبي==0==
==0==ويقول سالم على النيه. على النيّه
بداية الخط يالله تغفر ذنوبي==0==
==0==ونهاية الخط لاتبطين يابنيّه
يابنت ياغايتي ياعز مطلوبي==0==
==0==يالمهره اللي خذت كاس الفروسيه
يابنت وان كان حبك ساس عذروبي==0==
==0==الحب معروف عذروب الهواويه
يابنت لا تسمعي لسّاب عرقوبي==0==
==0==هذاك والله مايسوى ولا شيّه
يابنت بعض العرب هيكل وسط ثوبي==0==
==0==وليا تمرجل لبس غتره وطاقيه
حدّه بنات اللهّّو في (مرقص الجوبي)==0==
==0==اللي غلاهم يجي باسعار رمزيه
به فرق مابين.. رعبوبه ورعبوبي==0==
==0==به فرق مابين هاذيه وهاذيه
حتيش لو قالوا اني في الهوى دوبي==0==
==0==وحتيش لو قالوا افكاري خياليه
مادام حب الشرف صار اكبر عيوبي==0==
==0==والله لا ابقى على حبي وطاريّه
ومادام عيد ارمضان اقفا بمحبوبي==0==
==0==عندي امل نلتقي في اول ضحيّه
==2==