حرّ فرقاه

==1==
قالوا حزينه قلت من حر فرقاه==0==
==0==فرقاه تودع كل قلب حزيني
مرحوم يامن حبت الروح ملقاه==0==
==0==ويا من سكن قلبي وهو وسط عيني
مرحوم يا من نحتفي في محياه==0==
==0==طبعه مثل طبع الملا الطيبيني
كن العيون اليوم صحرا بلياه==0==
==0==دونه وكيف نعيش باقي السنيني
للخير دايم تسبق الفعل يمناه==0==
==0==وما ينطق الا بالكلام الرزيني
ختم حياته طالبٍ عفو مولاه==0==
==0==حوله عياله صايمٍ مستكيني
لا فات نصف الليل يفرش مصلاه==0==
==0==يسجد لربه والعرب نايميني
يا بو سعد ياللي كريمه سجاياه==0==
==0==فريد طبعه للقرايب عويني
يا مالك الاكوان يارب تجزاه==0==
==0==بالخير والرحمات له يا معيني
وصلاة ربي عد غيثٍ نثر ماه==0==
==0==وعداد ما نجم يغيب ويبيني
على الرسول اللي طريقه تبعناه==0==
==0==ويالله تلهمنا الصبر واليقيني
==2==