الحمل كايد

مرثية في والدي الشيخ حسن بن مبارك الجريسي
==1==
يا جرحي اللي بالحشا صار مدفون==0==
==0==من فرقة الوالد تزايد لهيبه
حكم الولي يا ناس للخلق مسنون==0==
==0==الموت حق وكلنا من نصيبه
فقدت عزٍّ لي وكثيرٍ يعرفون==0==
==0==أني احبه واعشقه وانتخي به
كل الرياض وحي عرقة يصيحون==0==
==0==واللي يحب ابوي دمعه يجيبه
ابوي كف وعف ياللي تخبرون==0==
==0==عن زلة لسانٍ ونميمه وغيبه
ابوي تشهد له جموع يصلون==0==
==0==إن الكرم والجود عنوان طيبه
ابوي راح وكل ربعه يقولون==0==
==0==حنا فقدنا غالي الله يثيبه
جيران بيته راح ما منه يشكون==0==
==0==واللي حضر منهم سمعنا نحيبه
وخلّف رجالٍ للشدايد يعرفون==0==
==0==سهل الأمور وعسرها هم طبيبه
وفي كل حزه للولي دوم يرجون==0==
==0==عسى الجنان البارده تحتفي به
ما مات من خلف رجال يعدّون==0==
==0==منهم أبو تركي سِعدء من ينيبه
الحمل كايد لكن الكل ممنون==0==
==0==والكل منهم مابه اللي يعيبه
و أمٍ غلاها داخل القلب مصيون==0==
==0==حيث إنها من كل خيرٍ قريبه
ادعوا لها ياناس وانتم تصلون==0==
==0==بطول العمر ياهل القلوب المنيبه
ما نيب شاعر لكن القلب محزون==0==
==0==أبيات شعري فيه ماهي غريبه
ما ارخصك أنا يابوي لو كنت مدفون==0==
==0==ومن لام أبو نواف ربي حسيبه
==2==
إبراهيم بن حسن الجريسي