السوالف مملة!!

ايه الهوى في عالمه جرح وطعون
..........واحلام.. لكن في النهاية ممله
ياكنت اخافه وازرق الدمع مسجون
..........واتوسله واقول يا حب لله
هالحين لاراضي ولا نيب ممنون
..........اسير.. مدري في خفاية سجله
ماهو حكي.. والا وكالة يقولون
..........القلب تايه.. مالقى من يدله
ابصمت اعاني وأحسد اللي يغنون
..........ماجربوا عقب الغناة المذلة
يا عاذلي.. صاحي ولو قلت مجنون
..........يكفي كلامك زود الطين بله
دعني.. اعيش بهم واحزان وشجون
..........كل المآسي والعنا.. فدوة له
الحب عندي غير صادق ومصيون
..........أن قلت: وينه؟ قلت! هذا محله
ياللي تقول الحب وشلون وشلون؟!
..........اقول لك: بعض السوالف ممله!!