لا هنت يا عمي

رثاء في عمي عميد أسرة آل موسى ونائب قرية الدرب الشيخ مسفر بن محمد آل موسى، رحمه الله.
لا هنت – يا عمي – عسى الخلد مثواك
يا ريف من لحقه من الوقت ضيقات
نبكي وناساتك، ونبكي لطرياك
ونبكي زمان ما بقى فيه فرحات
وجهك كما اسمك "مسفر" في محياك
يفرح بك اللي له على بوه ونات
من يتم في جنبك نجدته بعطواك
ويفرح بوجهك لا بدا منه طلات
ومن جاك من ربعك من الضيق ينخاك
يلقى – بمجهودك – دروب وسيعات
أبوي سماني على اسمك ولا اخطاك
ما اختار الا يوم ميزك بصفات
طيب ووفا واخلاق من طيب مجناك
اجدادك اصحاب الوجيه السميحات
اهل الندى واهل التقى مثل تقواك
واهل النقا واهل الحيا والمروات
يالله عسى مثواه عدن ومثواك
وتضيفكم – فيها – الجواري الحسينات
وصلاة ربي ما ازهر الورد والراك
على شفيع الخلق يوم الكروبات