الجوهرة

رثاء في الأخت الفقيدة الجوهرة بنت عبدالرحمن السويلم رحمها الله
يا الجوهرة يا بعد من يزفر الآه
من بعدك الصوت الشجي من هو يرده؟
فقده جرحني جرح يا صعب فرقاه
وأمر القضاء مكتوب ما احد يصده
ليته نطق لي بكلمته قبل مسراه
وليت القدر بيّح لنفسي بسده
في الذاكره صورته وقت المعاناه
وصوت الحسام يقول « يمه « بشده
حاولت أبي انساه او يوم اسلاه
المسأله ما هي غلا أو موده
هي توأمة عمري وترا الروح تفداه
اللي لها ما أحد وصل حد حده
ساعات أحس ان الأماكن تحراه
وابكي طريقٍ بين مكة وجده
حتى البحر حزنه ترانيم شكواه
ضاعت مابين اثنين جزره ومده
كل ما ذكرته شفت هالكون غطاه
حزن وكآبه ويده من فوق خده !
ياالله عسى في جنة الخلد مثواه
وعسى الفرج ياتي بعد طول شده
جواهر بنت سعد السويلم
*د. حسام العنقري